| tata님의 프로필©§¤°A.R.T.I.S.T°¤§©사진블로그리스트 |  도구  도움말 |
|
3월 25일 .:!! قصتي مع الجاثوم !!:.السلام عليكم
^_^شخباركم شباب و بنات
اليوم بقول لكم قصتي مع الجاثوم الله لايرد ذاك اليوم
المهم نبتدي عشان مانطول عليكم
يسلمكم ربي
القصه اهي
في يوم كنت في سهران الجهاز حقي(الكمبيوتر) تقريباً الى نص الليل
جاني النوم ورحت على الفراش حقي
بس قبل كل شي خلوني اقول لكم شي
قبل لاأنام كنت مثقل في الأكل
وانا وخوي في غرفه وحده
عشان تفهمون زبدة السالفه
المهم نرجع لمحور الموظوع
رحت للفراش عشان انام
نمت ورحت في سابع نومه
المهم لمن رحت في سابع نوم حلمت
الدنيه معفوسه فوووووووق تحت
المنطقه مافيه ولا كأن حي
ظليت ادور في اشوارع ادور لي واحد وحده حيوان حشره
*_*ماكو
ياللهول مالذي سفا افعله؟؟
المهم ظليت ادور
راح النهار بلمحت بصر وجا الليل والليل اظلم مايبين ولا شي
المهم رحت البيت وانا ميت من الخوف
رحت بيتنه اظلم نفس الشي
ومافي اي نور
الزبده الكهربا مقطوعه
(My home)المهم جلست في الصاله الي عند فتحت باب بيتني
بس وجهي جهت الصاله الكبيره مو جهت الباب
سمحت صوت خفيف يقرب مني
ويتكلم بكلمات انا موقادر اثبت على اي حرف
المهم كل ماله ويقرب الصوت او ماي قود مالذي سوف افعله
انحاش اظل في محلي شسوي
المهم ثبت في محل ولا قادر حتى ارمش
واصوت كل ماله ويقرب مني اكثر وكثر
ياالله
شفت شي ابيض يقرب مني ومنه يطلع الصوت
قمت اصب عرق والصياح اشوي وصيح
الجسم الغريب قرب مني اكثر
وانا مو قادر اتحرك
قرب اكثر لمن وصل عندي
جسم غريييييييييييييب
كان لابس عبايه بيضه
وقرب من لمن لصق فيني
*_*وملامح وجها مو مثبتهم من الخوف بس كل الي اتذكره الملامح ملامح مرا(حرما/امرأه)يخوف
قربت وكان في يدها شي كنه محش حشيش
وهني الغمنده رفعت يدها
واول مارفعت يدها انا صحيت من النوم
والعرق يصب والحاله حاله والصياح والعفسه
المهم اول ماقعت مو قادر اتحرك
قاعد اقول في قلبي انا صحت بس للحين مو قادر اتحرك
ولمن رفعت عيوني على سرير اخوي شفت نفس الي جالي في الجاثوم شفته ورا سرير اخوي
قمت اصيح والكائن الغريب كل ماله ويقرب
حاولة انادي اخوي
اصرخ اقوا ماعندي
يطلع بس همس واخر حرفين من اسمه
اصرخ واصرخ والجسم كل ماله ويقرب
ومافي فايده
حاولت احرك جسمي
والجسم كل ماله ويقرب
والدموع والعرق والصراخ
وماحد حولك ياارتست الكلن في سابع ابو جد النومه
واخر شي وانا احوال احرك جسمي بكل ماقدر الجسم قرب مني
ونفس الحركه الي في الجاثوم صارت رفع المحش اللي عنده
وانا اصيح<<<الولد يحسب نفسه ربي رجعون
لمن جا بيظربني سبحان الله تحرق صبع رجلي الكبير
وختفا الجسم بــ لمحت بصر
ظليت مانمت الليل وانا اصيح وحالتي حاله
ظليت افكر شلون طلعلي الجاثوم وانا صاحي
والله العظيم ياجماعه ماكذبت
وقريباً بقول لكم قصة جاثومي في حجرت اختي
تحياتي للجميع
A.R.T.I.S.T
2월 24일 ..:+ قصتي في هاف مون +::..بسم الله الرحمن الرحيم
السلام عليكم
بدون مقدمات خلوني ابدي قتي وانا في هاف مون
<<شاطئ نصف القمر >>
في البدايه جمعت انا وربعي وخططنا نروح للبر في نص الليل عشان يكون الجو احلا
وبعد ماجت الساعه 1:00 في الليل
ركبت سيارتي انا وربعي
قبل كل شي خلوني اشرح لكم شكل سيارتي
النوع/ متسوبيشي/ لانسر
مديل/ 98
الون / ازرق
مكسره حالتها حاله بدي مخفوس سياه تمشي ومافيها الا سماعه وحده شغاله ومسجل بو زعم موزع لصوت وهو لاموزع ولا هم يحزنون
المهم نرجع لسالفتنه
ركبت السياره انا وربعي على انا بروح البر وهو بر المطار
وحنا في الطريق شوفو من هني والله كاتب علينا ان يصير فينا شي
وحنا في الطريق رايحين البر يام قربنا عند لفت هاف مون حذف علينا راعي سياره وظطرينا نروح عند لفت هاف مون ومانكمل سيده لطريق البر هذا اول مصيبه
انقهرنا شلون رحنا عن طريق البر فا قلنا خلاص هاف مون هاف مون
كملنا طريقنا وحنا طول الوقت سوالف وظحك
المهم وصلنا هاف مون
وتجهنا لمكان المعتاد بوابه... <<مالكم شغل^_^امزح
وقفنا نزلنا في البرد في مكان المعتاد
وهذا ثاني مصبه لتفنا يمين ويسار مافي اي ادمي ولا حيوان يمر يمنا
مافي الا احنا والسياره البحر البر الي ورانا
فرشنا البساط وسوالف وظحك ....الخ
المهم مر الوقت بسرعه
صارت الساعه 4:00 صباحاً
قلنا خلاص خلونا نمشي
المهم
هذا المصيبه الثاله والأهم
شغلت السياره شفتها يطلع منها صوت صفير
صوت صفير اللبلبلي هيج قلب الثملي <<شدخل هذي في السالفه
المهم طلع صوت صفير وطفت السياره
كل الي في السياره بلقو عينهم
المهم شغلته مره ثانيه تشتغل نص ثاني وتطفي
مره ثانيه وثالثه ورابعه
قالي رفيجي الي يمي مافي الا تعطيها سلف وتدع على طول ونمشي
قلت خلاص
شغلته وعلى طول مشيت
قبل لا اطل على الشارع يعني بيني وبين الشارع مسافه طويله
السياره سكتت وقام مايطلع منها اي صوت ولا صوت الكينه
وكنها طافيه بس اهي مشتغله
وفجأه صار السكان ياااااااابس بشكل ماتتصورونه
المهم قلت لهم شباب السكان صار يابس مادري شصار
قالي ولد اخوي الي اهو واحد من ربعي
اكيد السير عندك منقطع
مايصير ياخي شلي يقطع السير
المهم نزلنا كلنا نتفقد الوظع
فتحت الكبوت وطلع صج السير مقطوع
والسير مقطوع يعني يا ارتست اذا مشيت فيها راح تجيم عليك المكينه
المهم
سكرت الكبوت
ومثل ماقلت لكم في المكان الي كنا في مافي اي مخلوق يمر في ولا سياره
المهم الكل طلع على وجها علامات اليئس
دفينها ورجعناها عند البحر
وقعدنا نفكر ونفكر ونفكر
اخر شي قلنا خلونا انام وبكره يفرجها الله
نمنا كلنا وصحينا الساعه 11:00 الظهر
المهم الكل جايع والكل وجها متنفخ وكل يائس والكل طالع على وجها برائت الطفوله
المهم جات الساعه 11:10 الظهر
جات سياره بقاله ستانسه بس للأسف ماحد عنده فلوس الا انا
الكلك لتفت جهتي تقول كنهم ناس مفترسه
تكفه ارتست طلبناك بس اكل تكفه لو ماي
المهم انا رحت للبقاله يام قربت عندها مقفله
O_oوش ذا
طلع الهندي رايح يصلي
المهم ظلينا ننطر نص ساعه
ماصارت صلاه ولا صلات التراويح
المهم جات بقاله ثانيه وهجمنا عليها تقول ناس عمرهم ماشافو خير
طلب لكل واحد جبن مشكل وجاي حليب
كلنا وخلصنا
المهم الحين كلنا باقي السياره شلون نرجع
المهم ضلينا ساعتين
جات خفر السواحل<<لايحوشك
رحت لخفر سوالح وقلتله ياطيب لو سمحت عندك رقم سطحه؟؟؟
وعطاني رقم السطحه فرحنا الي يقول هذا اليوم يوم العيد
اخر شي ندق علي مطفي جواله
دقينه مره مرتين ثلاث اربع خمس مطفي جواله
خلاص الربع زقت الأخلق عندهم
ظلينا في السياره وكلك عافس وجها الا انا قاعد افكر مع هالمصيبه
اخر شي قلت مالنا الا اخوي اهو قايل اليوم بيروح الحسا اكيد الحين اهو في طريق وقريب عند هاف مون
دقت عليه
هلا ارتست
هلا اخوي
اقولك انا في هاف مون من امس ونقطع علي السير
تقدر تجي وتجيب معاك سطحه
ارتست انت ليش تروح هاف مون بسياره كحيانه وحالتها حاله...الخ من اتهزيئات
اخر شي قالي انا الحين بدورلك على صطحه
ضلينا ساعتين ننطر
اخر شي دق علي وقالي انا الحين قاعد اتغدا وبمشي الحسا وانت دبر نفسك عشان تتأدب
سكر الخط
وقلت حق ربعي عن الي صار
الي يسب والي يلعن
وكان الوقت ظهر وحر وموت يعني كل واحد اكيد بتزق الأخلاق عنده
المهم
اخر شي قررنا ان ندف السياره من هاف مون الى الدمام
المسافه بسياره لو تمشي 120 يبغالك اقل شي نص ساعه او ساعه
شلون مشي
دفيناها
لمن خلاص الكل تعاب وطاح منهار من الحر وتعب
ركبنا السياره
ومن زهق صرنا مجانين
كل واحد يلمس شحمت اذن الثاني ونسوي دائره
حمدلله وشكر
تالي وحنا نستريح في الظل وفي الحر في نفس القوت
قمنا نغني عن نفسنا
ونقول
انقع يالولد انقع
كلنا متصيجين...والسير انقطع
بوعين عطشان يبي ماي...وحنا حصرانين مافي حمام
والي زهقان
انقع
والي عطشان
انقع
والي يشرب دخان
نقع
متنا حر حر
ونقع يالولد انقع
خلصت الغنيه
ورجعنا ندف السياره
دفينها حوالي نص ساعه
ورجعنا نرتاح
وهم الفنا موال
آآآآآآآآه
انا عطشااااااان وجوعاااااااااان
قرظنا صبع بوعين الكبري طعمه كباب
وقرظنا صبعه الثاني طعمه خويريف
آآآآآآآآآه
رجعنا من هاف مون كعابي على ارجولنا
آآآآآآآه
الكلك عطشان وزهقاااااااااان
والباقي مو حافظه
المهم
رجعنا ندف وندف وندف
اخر شي رجعنا مره ثانيه وهم الفنا موال ثاني لاكن مو حافظه
وتالي الكل انهار
اقترحنا ان الكل يظل في السياره واحد واحد يقوم يودف عشان مانتعب كلنه
سوينه واحد واحد يدف
لمن مشينه نص اطريق من هاف مون الى الدمام
ومشينا ومشينا
لمن قربنا من عند الدمام الكل تعب ولا احد راظي يقوم ويدف
اخر شي قلت ياخي طاح وجهي يم ربعي والله لو تجيبم على الكينه بس المهم لايكرهوني
شغلت السياره والسير مقطوه وبعت الدنيا
ومشيت بسياره 20 بس
ولمن وصلنه عند الدمام صارت الساعه 4:00 العصر
يعني اتخيلو الموقف 12 ساعه لا اكل ولا شرب
وحسبو من 11:00 الظهر الى 4:00 العصر وحنا ندف السياره
شرايكم بقتي 1월 31일 .+* لــيــتــنــي *+.بسم الله الرحمن الرحيم
السلام عليكم ورحمة الله وبركاته
اللهم صل على محمد وآل محمد
السلام على الحسين وعلى علي بن الحسين وعلى اولاد الحسين وعلى اصحاب الحسين ياليتنا كنا معهم فنفوز فوزاً عظيما اتقدم بأحر التعازي الى صاحب العصر والزمان (عجل) والى مرجعنا العظام
والى الامة السلاميه جمعاء وبعد
اقدم لكم هذا التصميم البسيط
بحلول شهر محر
وهذا التصميم ماتعبت عليه واجد
ونشاءالله التصميم الجديد راح التعب عليه اكثر ونشاءالله راح اخليه معبر اكثر وكثر
هذا التصميم الصراحه ماكن عندي فكره بس حبيت اني اعمل تصميم قبل حلول محرم
ماطول عليكم اخليكم مع التصميم
تقبلو تحياتي 1월 30일 .+*~ All eyes on me ~*+.السلام عليكم ورحمة الله
^_^شخباركم شباب وصبايا
^_*والله ولهت عليكم
ماطول عليكم
اليوم جايب لكم تصميم بعنوان
.+*~ All eyes on me ~*+.
اخليكم مع التصميم
معلي اظغط هني
انتظر رايكم على احر من الجمر
سي يو حبايبي
مع تحياتي
A.R.T.I.S.T 9월 19일 ~.*llالمدرسه ll*.~المدرسه
ياناااااااااااااااااس زهق في هالمدرسه
اول خلوني اشرح لكم شكل مدرتنا
عماره
من بره اهي والسجون واحد
نور الشمس مايمر في من داخل
ودرج الطوارء محطوط في قفل اكبر من يديه
يعني بالله عليكم لمن تحترق المدرسه شلون ننحاش
والفصول كل فصل طوله خمس امتار في خمس امتار
الطابور في الشارع يعني لو يجي واحد يفحط اكيد بنموت
والملعب نفس الساحه الي فيها الطابور
وحصة الرياضه الرابعه في الشمس مانرجع البيت الا كل واحد راسه يفتتتتتتتر جنه توه شارب له راس معسل
والمدرسين مدر ومدرس
مدرس مافي اطيب من ومدرس ماينتحاجه حتى السلام لا تسلم علي
------------------
الفسحه
الفسحه فوق السطح والسطه في ابياب من حمامات المدرسين يعني وقت الفسحه زفره ترقا لنا
---------------------
النضام
احسن شي سوا في المدرسه انهم خلونيه رأيس النظام
بس رايس على الطل قاعد يم باب الشارع في الشمس
عشان ماحد يفكر انه ينحاش
----------------------------
الطلاب
انا عايد سنه طبعن المفروض في ثنوي
الطلاب كلهم جهااااااااااااااااااال
كلا يعني بنكتون وانا اجاملهم اضحك غصب
انا بروحي عايد سنه ومالي خلق المدرسه كلهم ورعان
ويجون طلاب فصلنه بنكتون
----------------------------
المهم ماطول عليكم
انشاء الله عرفتو شلون احنا ندرس 9월 15일 ©§¤°حاااااااير°¤§©السلام عليكم
شخباركم اخواني وخواتي
بلا مقدمات
ياناس انا طفشااااااااااااااااااااااان
ابغي احط شي في سبيسي بس مو عارف شنو احط
شنو تقترحون علي؟
تكفون ياهل العون
تحياتي لكم 9월 5일 ~*¤!|قريبا ً الفتتاح|!¤*~بسم الله الرحمن الرحيم
 السلام عليكم ورحمة الله وبركاته  شخباركم شباب وصبايابس حبية اخبركم ان قريبا ً اللأفتتاح
 انتو الحين تفرجو على تصاميم لين اخلص من سبيسي تراني احب اعمالي واااااااااايد وايد وانتبهو ان تجرحوني او تحطموني على التصاميم الي انا مسويهم اوكي حبايبي مع السلامه سيووووانشوفكم قريب
تحياتي لكل
 |
|
|||||
|
|
![[اظغط هنا]](http://aflatooon.jeeran.com/Laetne.JPG){kind=link}
